KNNC
كه‌له‌رم یه‌كێكه له سه‌وزه بڵاوه‌كانی جهان و چه‌ندین به‌كارهێنه‌ری هه‌یه، به تایبه‌ت له دروستكردنی زه‌لاته‌دا.
توێژینه‌وه‌یه‌كی نوێ كه‌له‌سه‌ر ئه‌م سه‌وزه‌یه ئه‌نجامدراوه ئاماژه به‌وه ده‌كات، كه‌له‌رم سودێكی زۆری بۆ گه‌ده هه‌یه به تایبه‌ت بۆ ئه‌و كه‌سانه‌ی كه به ده‌ست نه‌خۆشی قورحه‌وه ده‌ناڵێنن، یاخود هه‌وكردنی گه‌ده‌یان هه‌یه.
توێژه‌ره‌كان ئاماژه‌یان به‌وه داوه، كه‌له‌رم سودی بۆ پێست هه‌یه و ده‌بێته هۆی چاره‌سه‌ركردنی هه‌وكردنی پێست، هه‌روه‌ها یارمه‌تی كرداری هه‌رس ده‌دات و پارێزگاری له ته‌ندروستی جگه‌ریش ده‌كات.
له‌گه‌ڵ ئه‌و سودانه‌شیدا، زۆر خواردنی كه‌له‌رم زیانی هه‌یه، به‌تایبه‌ت بۆ ئه‌و كه‌سانه‌ی به ده‌ست نه‌خۆشی كۆڵۆنه‌وه ده‌ناڵێنن، هه‌روه‌ها ئه‌و كه‌سانه‌ش كه غوده‌ی ده‌ره‌قیان هه‌یه , پێویسته پێش خواردنی كه‌له‌رم ڕای پزیشكی پسپۆڕ وه‌رگرن.