KNNC

له‌مه‌راسیمێكدا له‌شاری یۆتۆبۆری سوید، یادی 33 هه‌مین ساڵڕۆژی كۆمه‌ڵكوژی كورده‌ فه‌یلیه‌كان به‌سه‌رپه‌رشتی ئه‌نجومه‌نی به‌رگری له‌مافه‌كانی كوردی فه‌یلی كرایه‌وه‌.

سه‌ره‌تای مه‌راسیمه‌كه‌ش به‌وتاری ئه‌نجومه‌نی به‌رگری له‌مافی فه‌یلیه‌كان ده‌ستی پێكردو تیایدا هێرشی توندی كرده‌ سه‌ر ده‌سه‌ڵاتدارانی‌ عێراق‌و هه‌رێمی كوردستان، به‌وه‌ی كه‌ له‌دوای پرۆسه‌ی ئازادی عێراق‌و ڕوخانی ڕژێمی به‌عسه‌وه‌ نه‌یانتوانیوه‌ ژیانیان باش بكه‌ن‌و چاره‌نوسی ئێسك‌و پروسكی كه‌سوكاریان بۆ بگه‌ڕێننه‌وه‌.

هه‌ر له‌و مه‌راسیمه‌دا وتاری حزب و لایه‌نه‌ سیاسیه‌كان‌و له‌نێویشیاندا وتاری بزوتنه‌وه‌ی گۆڕان بازنه‌ی یۆتۆبۆری خوێنرایه‌وه‌ كه‌ تیایدا هاوخه‌می‌و پشتیوانی خۆیان بۆ كوردانی فه‌یلی ڕاگه‌یاندو داواشیكرد، كوردی فه‌یلی یه‌كده‌نگ بن‌و ده‌نگی خۆیان بده‌نه‌ نوێنه‌رانی داكۆكیكار له‌مافه‌ ڕه‌واكانیان.