KNNC
پۆلیسی فیدراڵی ئه‌مریكا ئاشكرایكرد، له ساڵی 2011دا روسیا ئاگاداری كردبوونه‌وه سه‌باره‌ت به تونڕه‌و بوونی 2 گه‌نجه چیچانیه‌كه.
دوای ئه‌وه‌ی پۆلیسی فیدراڵی ئه‌مریكا له هه‌ڵمه‌تێكدا یه‌كێك له تۆمه‌تبارانی ته‌قینه‌وه‌كانی بۆستنی كوشت و ئه‌وی دیكه‌شیانی به برینداری ده‌ستگیر كرد، پۆلیسی فیدراڵی ئاشكرایكرد ئه‌و دوو برا چیچانیه بۆئه‌وان نائاشنا نه‌بوون و له ساڵی 2011دا حكومه‌تی روسیا ئاگاداری كردبوونه‌وه سه‌باره‌ت به ئه‌گه‌ری توندڕه‌و بوونیان.
هاوكات دایكی ئه‌و 2 گه‌نجه چیچانییه كوڕه‌كانی به بێتاوان وه‌سفكردو ته‌ئكیدی كرده‌وه كه كوڕه‌كانی بوونه‌ته قوربانی پیلانێكی گه‌وره، چونكه پۆلیسی فیدراڵی ماوه‌ی 5 ساڵه به ته‌واوه‌تی كوڕه‌كانی خستبووه ژێر چاودێریه‌وه و له هه‌موو جوڵه‌یه‌كیان ئاگادار بووه‌و ته‌نانه‌ت به‌ویان وتووه كوڕه‌گه‌وره‌كه‌ی له رابه‌ر ده‌چێت و پۆلیس لێی ده‌ترسێت.
لای خۆشیه‌وه كۆریای باكوریش ره‌تیده‌كاته‌وه، كه ده‌ستی له ته‌قینه‌وه‌كانی بۆستندا هه‌بێت.
له‌گه‌ڵ ره‌تكردنه‌وه‌ی ئه‌و ده‌نگۆیانه‌ی كه ئاماژه به تێوه‌گلانی كۆریای باكور له ته‌قینه‌وه‌كاندا ده‌كه‌ن، حكومه‌تی كۆریای باكور هاوخه‌می خۆی له‌گه‌ل َخانه‌واده‌ی قوربانیانی ته‌قینه‌وه‌كان ده‌ربرێ.