دوای ساڵێك دوركه‌وتنه‌وه‌ به‌هۆی پێكانه‌وه‌، ئه‌گه‌ر زۆره‌ جۆسێپی رۆسی به‌منزیكانه‌ بگه‌ڕێته‌وه‌و له‌یاریی یانه‌ی فیۆره‌نتینا له‌هه‌فته‌ی 36ی خولی یانه‌كانی ئیتاڵیا له‌به‌رامبه‌ر یانه‌ی سیه‌نا به‌شداری بكات.
به‌پێی هه‌واڵێكی رۆژنامه‌ی لا ناتسیۆنالی ئیتاڵی، رۆسی به‌شداری راهێنانه‌كانی كردۆته‌وه‌و پێش ئاماده‌بوونیشی له‌راهێنانه‌ به‌كۆمه‌ڵه‌كاندا، بۆ هه‌فته‌یه‌كی دیكه‌ به‌ته‌نیا راهێنان ئه‌نجامده‌دات.
لا ناتسیۆنالی بڵاویشكردۆته‌وه‌ ئه‌گه‌ر زۆره‌ له‌یاریی یانه‌ی فیۆره‌نتینا له‌هه‌فته‌ی 36ی خولی یانه‌كانی ئیتاڵیا له‌به‌رامبه‌ر یانه‌ی سیه‌نا به‌شداری بكات.
رۆسی هێرشبه‌ری پێشه‌ی پارماو مانچسته‌ریونایتد له‌مانگی 10ی ساڵی 2011دا دوچاری بچڕانی به‌سته‌ری سه‌ره‌كی ئه‌ژنۆی  هات‌و له‌مانگی 4ی ساڵی رابردووشدا دوچاری هه‌مان پێكان بوه‌وه‌و له‌و كاته‌شه‌وه‌ له‌یاریگاكان دوركه‌وتۆته‌وه‌.
ئه‌و هێرشبه‌ره‌ دوای چه‌ند وه‌رزێكی یاریكردن له‌ریزه‌كانی یانه‌ی ڤیا ریاڵ له‌سه‌ره‌تای ئه‌مساڵدا گه‌ڕایه‌وه‌ ئیتاڵیاو په‌یوه‌ندی به‌فیۆره‌نتیناوه‌ كرد.