 |
|
 |
|
|
|
خواردنه چه‌وره‌كان وردبینی كه‌مده‌كه‌نه‌وه
KNNC
پسپۆڕانی بواری خۆراكی به‌رده‌وام باس له زیانی ئه‌و خۆردنانه ده‌كه‌ن كه بڕێكی زۆری چه‌وری له پێكهاته‌كه‌یاندایه , نوێترین توێژینه‌وه‌ش ده‌ریخستووه كه , خواردنه چه‌وره‌كان چالاكی و وردبینی لای منداڵان كه‌مده‌كه‌نه‌وه.
به‌پێی ئه‌نجامی توێژینه‌وه‌یه‌كی نوێ ئه‌و خواردنانه‌ی بڕێكی زۆر چه‌وری له پێكهاته‌كه‌یاندایه , یاخود سورده‌كرێنه‌وه , زیانی بۆ منداڵان هه‌یه , جگه له‌وه‌ی ده‌بێته هۆی زیاد بونی كێشیان , هۆكاریشه بۆ كه‌مكردنه‌وه‌ی چالاكیه‌كانیان و نه‌مانی وردبینی.
توێژینه‌وه‌كه له كۆلێژی پزیشكی زانكۆی ئیلینوی ئه‌مریكا ئه‌نجامدراوه .
توێژه‌ره‌كان گه‌شتونه‌ته ئه‌و ئه‌نجامه‌ی كه خواردنه چه‌وره‌كان كاریگه‌ری له‌سه‌ر مێشكی منداڵ ده‌بێت و , هۆكاره بۆ كه‌مكردنه‌وه‌ی سه‌رنج و وردبینی منداڵ له شته‌كانی ده‌وروبه‌ری , له هه‌مان كاتیشدا , ده‌بێته هۆی كه‌مكردنه‌وه‌ی چالاكی و جوڵه‌ی ڕۆژانه‌ی.
توێژه‌ره‌كان توێژینه‌وه‌كه‌یان له‌سه‌ر دوو كۆمه‌ڵه مشكی بچوك ئه‌نجامداوه , به‌شێكی مشكه‌كان خواردنی ده‌وڵه‌مه‌ند به‌چه‌وریان دراوه‌تێ و به‌شه‌كه‌ی تریشیان خواردی كه‌م چه‌وری.
له ئه‌نجامدا ده‌ركوتووه كه خواردنه چه‌وركه له ماوه‌ی هه‌فته‌یه‌كدا كاریگه‌ری له‌سه‌ر مێشكی مشكه بچوكه‌كان دروست كردووه و , بۆته هۆی كه‌مكردنه‌وه‌ی چالاكی و توانای فێربونیان , ئه‌مه‌ش پێش كاریگه‌ریه‌كان بووه له‌سه‌ر كێشی مشكه‌كان.
كۆتایی توێژینه‌وه‌كه ئاماژه‌ی به‌وه داوه كه ته‌نها له ئه‌مریكادا زیاتر له پێنج ملیۆن منداڵ هه‌ن , كه كێشه چالاكیه‌كانی ڕۆژانه‌یان كه‌مه و سه‌رنج و وردبینیشیان بۆ شته‌كانی ده‌وروبه‌ریان لاوازه.
زۆرینه‌ی ئه‌و منداڵانه‌ش ته‌مه‌نیان له نێوان 3 بۆ 17 ساڵیدایه و به‌شێكی زۆریشیان خواردنی سه‌ره‌كیان له خواردنه چه‌وره‌كان پێكهاتووه.
14/03/2013
|
|
|
|
|
|
 |
|
 |
|
|
|
|
|
KNN Frequencies:
|
|
|