بیل کلینتۆن

بیل کلینتۆن ساڵی 1993 تا 2001 بۆ ماوه‌ی 8 ساڵ سه‌رۆک کۆماری ویلایه‌ته‌ یه‌کگرتووه‌کانی ئه‌مریکا بووه‌.
ڤیلیام جفرسۆن بلایت ناسراو به‌ بیل کلینتۆن ‌19 ئابی ساڵی 1946 و له‌ شاری هاپی ویلایه‌تی "ئه‌رکنسۆ" ی ئه‌مریکا له‌دایک بووه‌. باوکی بیل کلینتۆن فرۆشیارێکی گه‌ڕۆک بووه‌ و به‌رده‌وام له‌ گه‌شت کردندا بووه‌ باوکی کلینتۆن  سێ مانگ به‌ر له‌ دایکبوونی کوڕه‌که‌ی ، به‌هۆی روداوێکی هاتوچۆوه‌ گیان له‌ده‌ست ده‌دات و دواتر دایکی له‌گه‌ڵ "رۆگان کلینتۆن"دا هاوسه‌رگیری ده‌کاته‌وه‌ .
بیل کلینتۆن تا ته‌مه‌نی 14 ساڵی ناوی باوه‌پیاره‌که‌ی وه‌ک نازناو به‌کار ناهێنێت و هۆکاره‌که‌شی بۆ ئه‌وه‌ده‌گه‌ڕێته‌وه‌ که‌ کلینتۆن‌ باوه‌پیاره‌که‌ی  به‌ که‌سێکی قومارچی و مه‌ی خۆر ده‌زانی . کلینتۆن خوێندنی سه‌ره‌تای له‌ خوێندنگه‌یه‌کی کاتۆلیک ده‌ستپێکرد . له کاتی خوێندنی دواناوه‌ندی به‌ خوێندکارێکی زیره‌ک و لێهاتو ناوبانگی ده‌رکرد و هه‌ر له‌ کاته‌وه‌ ده‌ستی به‌ ژه‌نینی ئامێری ساکسیفۆن کرد و ته‌نانه‌ت بۆماویه‌کیش بڕیاریدا ژیانی ته‌رخان بکات بۆ ژنینی ئامێره‌کانی مۆسیقا به‌ڵام دواتر رای گۆڕا و هۆکاره‌که‌شی له‌ کتێبی "ژیانی من" که‌ تایبه‌ته‌ به‌ گێڕانه‌وه‌ی بیره‌وه‌ریه‌کانی باس ده‌کات و ده‌ڵێت من له‌ ته‌مه‌نی  16 ساڵیدا هه‌ ‌ستم  کرد که‌ ده‌توانم  له‌ خزمه‌ت به‌‌ بواره‌ گشتییه‌کانی کۆمه‌ڵگادا زیاتر چالاک بم ‌.
ساڵی 1963 ( دوو ) روداوی گرنک کاریگه‌ری زۆر له‌سه‌ر ژیانی داده‌نێن و ئه‌ویش ئه‌وکاته‌ی بۆ یه‌که‌م جار وه‌ک ئه‌ندامی ئه‌نجومه‌نی خوێندکارانی وڵات ده‌چێته‌ کۆشکی سپی و چاوی به‌"جان ئێف که‌نه‌دی" سه‌رۆک کۆماری ئه‌وکاتی ویلایه‌ته‌ یه‌کگرتووه‌کانی ئه‌مریکا ده‌که‌وێت . رودوای دووه‌م وتاره‌ به‌ناوبانگه‌که‌ی مارتین لۆته‌رکینگ بوو به‌ ناوی "من خه‌ونێکم هه‌یه‌" که‌ کلینتۆن ئه‌م وتاره‌ی‌ به‌ته‌واوه‌تی له‌به‌ر کردبوو.
کلینتۆن بڕوانامه‌ی بکا‌لۆریۆسی زانسته‌ سیاسیه‌کانی له‌خوێندنگای "واڵش"ی سه‌ر به‌ وه‌زاره‌تی ده‌ره‌وه‌ی ئه‌مریکا به‌ده‌ستهێنا و دواتر به‌مه‌بستی خوێندی باڵا له‌به‌شی فه‌لسه‌فه ‌، سیاسه‌ت و ئابوری  ده‌چێته‌ زانکۆی ئۆکسفۆردی به‌ریتانیا . ئه‌و له‌ ده‌یه‌ی شه‌سته‌کاندا یاریه‌کانی تیپی تۆپی پێی  یانه‌ی چێڵسی ده‌بینێت و ده‌بێته‌ هانده‌ری ئه‌و یانه‌یه‌. پاش ته‌واو کردنی خوێندن له‌ زانکۆی ئۆکسفۆرد ، ساڵی 1973 بڕوانامه‌ی پارێزه‌ری له‌ کۆلێژی "ییل"به‌ده‌ست ده‌هێنێت . کلینتۆن له‌ زانکۆی‌"ییل" له‌گه‌ڵ کچێک به‌ ناوی هیلاری رۆدام ناسراو به‌ هیلاری کلینتۆن ده‌بیته‌ هاوڕێ و ساڵی 1975 هاوسه‌رگیری پێکده‌هێنن و به‌رهه‌می ئه‌م هاوسه‌رگیرییه‌ تاقه‌ کچێکه‌ به‌ ناوی چێلسی کلینتۆن که‌ ساڵی 1980 له‌ دایک بووه‌.
کلینتۆن ساڵی 4197 پاش ته‌واوکردنی خوێندنی یاسا له‌ کۆلێژی "ییل" ، ده‌بێته‌ مامۆستای زانکۆی ئه‌رکنسۆ و دواتر خۆی‌ بۆ ئه‌ندامی ئه‌نجومه‌نی نوێنه‌ران کاندید ده‌کات به‌ڵام سه‌رکه‌وتوو نابێت و له‌ ساڵی 1980دا وه‌ک گه‌نجترین که‌س بۆ‌ سه‌رۆکایه‌تی  ویلایه‌تی ئه‌رکنسۆ هه‌ڵده‌بژێردرێت.
کلینتۆن پێش ئه‌وه‌ی ببێته‌ سه‌رۆک کۆمار،  بۆ ماوه‌ی 12 ساڵ حاکمی دوو ناوچه‌ی 50 و 52ی باشوری ئه‌رکنسۆی له‌ ئه‌ستۆ بووه‌ . کلینتۆن دوای "فرانکلین رۆزڤێڵت" و "جان ئێف که‌نه‌دی" گه‌نجترین که‌س بووه‌ که‌ وه‌ک ‌سه‌رۆک کۆماری ویلایه‌ته‌ یه‌کگرتووه‌کانی ئه‌مریکا هه‌ڵبژێردراوه‌ . ئه‌و پاش شکستی پلانه‌کانی کۆماریه‌کانی ئه‌مریکا به‌مه‌به‌ستی‌ چاکسازی سیستمی ته‌ندروستی ، توانی ببێته‌ سه‌رۆک کۆمار . سه‌رکه‌وتنی بیل کلینتۆن بووه‌ هۆی کوتایی هێنان به‌ ده‌سه‌ڵاته‌‌ 24 ساڵه‌که‌ی‌‌ کۆماریه‌کانی ئه‌مریکا له‌ حکومه‌تی وڵاته‌که‌یاندا . سه‌رۆک کۆماریه‌تی کلینتۆن له ‌سه‌رده‌مێکدا بوو که‌ به‌ سه‌رده‌می گه‌شه‌ی ئابوری و ئاشتی ئه‌مریکا پێناسه‌ ده‌کرا . ئه‌گه‌رچی  کلینتۆن روبه‌ڕوی تۆمه‌تی ئه‌خلاقی و په‌یوه‌ندی له‌گه‌ڵ "مۆنیکا لوینسکی" بووه‌ به‌ڵام ئه‌نجومه‌نی پیرانی ئه‌مریکا بڕیاریدا تا کۆتایی خولی سه‌رۆک کۆماریه‌که‌ی له‌ نوسینگه‌که‌یدا وه‌ک سه‌رۆک کۆماری ویلایه‌ته‌ یه‌کگرتووه‌کان درێژه‌ به‌کاره‌کانی بدات . ئه‌م روداوه‌ له‌ ئاستی جیهان و ناوخۆی ئه‌مریکادا هه‌رایه‌کی زۆری نایه‌وه‌ و به‌ڕوداوێکی ئابڕوبه‌رانه‌ی سه‌رۆک کۆماره‌ گه‌نجه‌که‌ی ئه‌مریکا له‌قه‌ڵه‌م ده‌درێت.

چه‌ند روداوێکی گرنگی سه‌رده‌می سه‌رۆک کۆماریه‌که‌ی کلینتۆن بریتین له‌ پێکدادانی هێزه‌سه‌ربازییه‌کانی ئه‌مریکا له‌گه‌ڵ چه‌کداره‌کانی مۆگادیشوی ‌ سۆماڵ و که‌وتنه‌ خواره‌وه‌ی 2 باڵه‌فڕی ئه‌مریکی . ئه‌و پێکدادان و شه‌ڕانه‌ بووه‌ هۆی کوژرانی 17سه‌رباز و برینداربونی 73 سه‌ربازی دیکه‌ی ئه‌مریکی. کلینتۆن ساڵی 1988هۆشداری دایه‌ گۆنگرێسی ئه‌مریکا سه‌باره‌ت به‌ چۆنیه‌تی هه‌ڵوێستی به‌رامبه‌ر به‌ چالاکییه‌ نایاساییه‌کانی رژێمه‌که‌ی سه‌دام حسێن ، کلینتۆن دژی لێدان و هێڕشکردنی سه‌ربازی بوو بۆسه‌ر  عێراق ، به‌ڵام هه‌ر له‌هه‌مان ساڵدا پاش هه‌وڵدانێکی زۆر کۆنگرێسی ئه‌مریکا بڕیاریدا له‌ئه‌گه‌ری به‌رده‌وامی چالاکییه‌ نایاساییه‌کانی رژێمه‌که‌ی سه‌دام ، هێرشی سه‌ربازی بکرێته‌ سه‌ر عێراق و رژێمه‌که‌ی.

ئه‌گه‌رچی کلینتۆن متمانه‌ی له‌%65ی گه‌له‌کی ئه‌مریکای به‌ده‌ستهێنابوو ئه‌مه‌ش به‌رزترین رێژه‌ی متمانه‌بوو له‌ مێژووی سه‌رۆک کۆماره‌کانی ئه‌مریکای پاش دووه‌م جه‌نگی جیهانی به‌ڵام کلینتۆن ‌ کاتێک کۆشکی سپی به‌جێهێشت که‌ له‌ راپرسیه‌کی گه‌لی ئه‌مریکادا رفتار و ره‌وشتی که‌وته‌  ژێر پرسیاره‌وه‌ . کلینتۆن پاش ‌جێهێشتنی کۆشکی سپی و نوسینگه‌ی سه‌رۆک کۆماری ده‌ستی به‌ چالاکی مرۆڤدۆستانه‌ کرد و ناوه‌ندی ڤیلیام کلینتۆنی بۆ پرس و ئاریشه‌ جیهانیه‌کان دامه‌زراند و  ساڵی 2004 ژیاننامه و بیره‌وه‌ریه‌کانی له‌ کتێبێکدا به‌ناو"ژیانی من"نوسیه‌وه‌ ..

26/01/2012
  • کوردستان
  • عێراق
  • جیهان
" نوێنه‌رانی‌ كورد له‌ كۆمسیۆن چییان كردوه‌؟"
په‌رله‌مانتارێك: ده‌سه‌ڵاتی‌ كوردی‌ به‌رپرسه‌ له‌ نه‌هاتنه‌وه‌ی‌ ناوی‌ كوردان
Sunday, April 21, 2013
هه‌ڵبژاردنی‌ ناوخۆیی‌ بزوتنه‌وه‌ی‌ گۆڕان: 16 هه‌زار هه‌ڵسوڕاو مافی‌ ده‌نگدانیان هه‌یه‌‌و1200 كاندید تۆماركراون
Saturday, April 20, 2013
پارتی‌‌و یه‌كێتی‌ یه‌كتر به‌دواخستنی‌ هه‌ڵبژاردنی‌ پارێزگاكان تۆمه‌تبار ده‌كه‌ن
Sunday, April 21, 2013
چوار ساڵ به‌سه‌ر دامه‌زراندنی‌ ڕادیۆی‌ گۆڕان تێده‌په‌رێت
Saturday, April 20, 2013
مه‌سعود بارزانی‌ دواخستنی‌ هه‌ڵبژاردنی‌ پارێزگاكان ده‌خاته‌ئه‌ستۆی‌ برازاكه‌ی‌
Sunday, April 21, 2013
بارزانی‌ له‌گه‌ڵ وه‌زیرو نوێنه‌رانی‌ كورد له‌ به‌غداد كۆده‌بێته‌وه‌
Saturday, April 20, 2013
هه‌واڵی زیاتر
ڕێكخراوی‌ ته‌موز: لیسته‌كه‌ی‌ مالكی‌ له‌ پارێزگای زیقار یه‌كه‌مه‌
Sunday, April 21, 2013
مالكی‌: مانگی‌ داهاتو هه‌ڵبژاردن له‌ ئه‌نبار و نه‌ینه‌وا به‌رێوه‌ده‌چێت
Saturday, April 20, 2013
مالكی‌: لێپێچینه‌وه‌ له‌و كه‌سانه‌ ده‌كه‌ین فشار ده‌خه‌نه‌ سه‌ر كۆمسیۆن
Sunday, April 21, 2013
زیاد تاریق عه‌زیز: چاوپێكه‌وتنه‌كه‌ی‌ باوكم هی‌ سێ‌ ساڵ له‌مه‌وبه‌ره‌
Saturday, April 20, 2013
له‌ دوێنێوه‌ سه‌دان خۆپیشانده‌ر له‌لایه‌ن سوپاوه‌ ده‌ستبه‌سه‌ركراون
Saturday, April 20, 2013
عه‌لاوی: كۆبونه‌وه‌ی هه‌لێر-نه‌جه‌ف گۆڕانكاری سیاسی دروست ده‌كات
Saturday, April 20, 2013
هه‌واڵی زیاتر
كۆمسیۆن: ئه‌مڕۆ ئه‌نجامی‌ به‌رایی هه‌ڵبژاردنه‌كه‌ راده‌گه‌یه‌نرێت
Monday, April 22, 2013
به‌ ڤیدیۆ...یه‌كه‌مین ساته‌كانی‌ بومه‌له‌رزه‌كه‌ی‌ چین
Sunday, April 21, 2013
به‌ هۆی‌ بومه‌له‌رزه‌كه‌وه‌ 250 كه‌س كوژراون و 11 هه‌زار كه‌سیش بریندارن
Monday, April 22, 2013
مورسی‌: شۆڕی‌ میسر شۆڕشی‌ برسییه‌كان نه‌بوو
Sunday, April 21, 2013
چه‌كدارانی‌ ئه‌سه‌د سه‌دان كسیان له‌ كوشتارگه‌یه‌كدا قه‌تڵو عام كرد
Monday, April 22, 2013
پۆلیسی‌ فیدراڵی‌ ئه‌مریكا له‌رێگای‌ روسیاوه‌ ئاگاداری‌ دۆسیه‌ی‌ گومانلێكراوه‌كانی‌ قه‌قینه‌وه‌كه‌، بووه‌
Sunday, April 21, 2013
هه‌واڵی زیاتر
ڤیدیۆ...كاتژمێره‌ زیره‌كه‌كه‌ی‌ گۆگڵ
Saturday, April 20, 2013
هه‌واڵی زیاتر
دوو مانگ دوای‌ مردنه‌كه‌ی‌ ته‌رمی‌ پاشای‌ كه‌مبودیا له‌ ڕێوره‌سمێكی‌ تایبه‌تدا سوتێنرا
Tuesday, February 5, 2013
هه‌واڵی زیاتر
كینگداو هایوان...درێژترین پردی‌ ئاوی‌ له‌ جیهاندا
Tuesday, April 16, 2013
هه‌واڵی زیاتر
KNN Frequencies: Nilesat: 10892 H 3/4 S.R = 27500       Hotbird: 12380 V 27500