KNNC

چه‌ند پسپۆڕێك ئه‌مریكی توێژینه‌وه‌یه‌كی نوێیان ئه‌نجامداوه‌ بۆ بینینی ئازار له‌ له‌شی مرۆڤدا , ئه‌ویش له‌ڕێی ئه‌نجامدانی ڕوپێوی ڕوناكی ڕه‌نگاوڕه‌نگ بۆ مێشك به‌ ئامێرێكی تایبه‌ت.

توێژینه‌وه‌كه‌ له‌ زانكۆی كۆلۆرادۆی ئه‌مریكا ئه‌نجامدراوه‌ , توێژه‌ره‌كان باس له‌وه‌ ده‌كه‌ن كه‌ ده‌یانه‌وێت له‌ڕێی ئه‌م شێوازه‌ نوێیه‌وه‌ , ئازاری نه‌خۆشه‌كان بزانن و بتوانن له‌ڕێی ده‌رمانه‌وه‌ چاره‌سه‌ر بۆ جۆره‌ جیاوازه‌كانی ئازار بدۆزنه‌وه‌.

توێژه‌ره‌كان ئاماژه‌یان به‌وه‌ داوه‌ له‌كاتی وێنه‌گرتنی ئازاردا , ڕه‌نگه‌ی ئازاری زۆر به‌ زه‌رد ده‌رده‌كه‌وێت , به‌ڵام ئه‌گه‌ر ئه‌و كه‌سه‌ ئازاری كه‌مبێت , ئه‌وا ڕه‌نگه‌كه‌ی به‌شین ده‌رده‌كه‌وێت.

پسپۆڕه‌كان ده‌یانه‌وێت له‌ڕێی ئه‌م داهێنانه‌ نوێیه‌وه‌ ئازاره‌ جۆر به‌جۆره‌كان بناسنه‌وه‌ , به‌تایبه‌ت ئازاری منداڵان كه‌ هه‌ندێ جار ناتوانن ده‌ری ببڕن و یاخود ئازاری ئه‌و كه‌سانه‌ی توشی بیرچونه‌وه‌ ده‌بن و شوێنی ئازاره‌كه‌یان نازانن.