KNNC
به‌پێی توێژینه‌وه پزیشكییه‌كان، گه‌ڵامێو چه‌ندین سودی ته‌ندروستییان بۆ له‌شی مرۆڤ هه‌یه و به چه‌ندین مادده ده‌وڵه‌مه‌ندن.
ئه‌م گه‌ڵایه ده‌وڵه‌مه‌نده به چه‌ندین جۆری ڤیتامین به تایبه‌ت ڤیتامینه‌كانی ئه‌ی، بی, سی , هه‌روه‌ها مادده كانزاییه‌كانی وه‌ك ئاسن و كالسیۆم و فسفۆڕ و مه‌گنسیۆمی تێدایه.
ئه‌و بڕه ڤیتامین ئه‌یه‌ی له گه‌ڵامێودا هه‌یه سودی بۆ پێستی مرۆڤ هه‌یه و دژی شه‌و كوێرییه، ڤیتامین (بی) كه له پێكهاته خۆراكیه‌كه‌یدایه زۆر گرنگه بۆ ده‌رونی مرۆڤ، هه‌ره‌ها ئه‌و ڤیتامین (سی)یه كه له پێكهاته‌كه‌یدایه به‌رگری له‌ش به‌هێز ده‌كات.
گه‌ڵامێو دژی توشبوونه به چه‌ندین نه‌خۆشی و ڕێگری له كه‌م خوێنی ده‌كات و ئه‌گه‌ری توشبوون به ڕۆماتیزمی ئێسكه‌كان كه‌مده‌كاته‌وه.
توێژینه‌وه‌یه‌كی به‌ریتانی ئه‌وه‌ی ئاشكرا كردووه كه گه‌ڵامێو مادده‌ی ریسفیراتۆر له پێكهاته‌كه‌یدا هه‌یه كه دژی خانه‌كانی شێرپه‌نجه‌یه و مرۆڤ له جۆره جیاوازه‌كانی شێرپه‌نجه ده‌پارێزێت.
ئه‌م گه‌ڵایه كاره‌كانی جگه‌ر چالاك ده‌كات و دژی هه‌وكردنی جگه‌ره, هه‌روه‌ها سوڕی خوێن چالاك ده‌كات، سود به دڵی مرۆڤیه‌ش ده‌گه‌ینێت و ڕێگره له جه‌ڵته‌ی دڵ, ئه‌مه جگه له‌وه‌ی كه ڕێژه‌ی كۆلسترۆلی خوێن كه‌مده‌كاته‌وه.
گه‌ڵامێو سودی زۆری بۆ نه‌خۆشی شه‌كره هه‌یه چونكه ئه‌و ڕێژه شه‌كره‌ی له پێكهاته‌كه‌یدا هه‌یه زۆر كه‌مه و زیانی ته‌ندروستی نییه , هه‌روه‌ها له‌ش له ڤایرۆس و میكرۆبه زیان به‌خشه‌كان پاكده‌كاته‌وه.