KNNC
به‌شێكی هاوڵاتیان كێشه‌ی كه‌مخه‌ویان هه‌یه و به مه‌به‌ستی بونی خه‌وێكی ئارامیش په‌نا ده‌به‌نه به‌ر خواردنی حه‌بی خه‌و، كه به‌ڕای پسپۆڕه‌كان چه‌ندین زیانی ته‌ندروستی بۆ له‌شی مرۆڤ هه‌یه.
له‌ئێستادا چه‌ند پسپۆڕێكی به‌ریتانی جۆره حه‌بێكی نوێیان دروست كردووه، به مه‌به‌ستی خه‌ولێكه‌وتنی ئه‌و كه‌سانه‌ی كێشه‌ی كه‌مخه‌ویان هه‌یه، بێ ئه‌وه‌ی هیچ كاریگه‌رییه‌كی خراپی له‌سه‌ر ته‌ندروستی هه‌بێت.
حه‌به‌كه ناوی دۆرا 22 و , له‌سه‌ر چه‌ند گیانه‌وه‌رێكی تاقیگه‌ی تاقیكراوه‌ته‌وه و سه‌ركه‌وتنی به‌ده‌ست هێناوه دواتریش دراوه به چه‌ند كه‌سێك.
پسپۆڕه‌كان ئاماژه به‌وه ده‌كه‌ن, ئه‌و كه‌سانه‌ی حه‌به‌كه‌یان خواردوه، له كاتی هه‌ستان له خه‌ودا، هاوسه‌نگی له‌ش و وردبینییان بۆ شته‌كانی ده‌وروبه‌ریان تێكنه‌چوه كه ئه‌مه زۆرجار له كاتی خواردنی ئه‌و حه‌بی خه‌وانه له‌ئێستادا هه‌یه ڕووده‌دات.