KNNC
شێرپه‌نجه‌ی په‌نكریاس یه‌كێكه له كوشنده‌ترین جۆره‌كانی شێرپه‌نجه و ئه‌گه‌ری چاكبونه‌وه به‌م نه‌خۆشییه زۆر كه‌مه, ته‌نانه‌ت ئه‌گه‌ر نه‌خۆشیه‌كه‌ش زوو ده‌ستنیشان بكرێت.
ئاماره‌كان باس له‌وه ده‌كه‌ن كه 5%ی ئه‌و كه‌سانه‌ی ئه‌م نه‌خۆشییه‌یان هه‌یه , له ژیاندا ده‌مێننه‌وه , ئه‌مه‌ش ئه‌و كه‌سانه‌ن كه زۆر به‌زووی نه‌خۆشیه‌كه‌یان ده‌ستنیشان كراوه.
له ئێستادا چه‌ند پسپۆڕێكی یابانی جۆره پشكنینێكی نوێیان بۆ ده‌ستن نیشان كردنی ئه‌م نه‌خۆشیه‌وه دۆزیوه‌ته‌وه , بۆ ئه‌وه‌ی له قۆناغه‌كانی یه‌كه‌مدا نه‌خۆشیه‌كه ده‌ست نیشان بكرێت.
ئه‌م پشكنینه بریتییه له ئه‌نجامدانی پشكنینی خوێن , چونكه خانه شێرپه‌نجه‌یه‌كان له خانه سروشتیه‌كانه‌وه , پرۆتین به ڕێژه‌ی جیاواز به‌رهه‌م ده‌هێنن و له ڕێی زانینی ڕێژه‌ی ئه‌و پرۆتینه‌شه‌وه ده‌توانرێت ئه‌گه‌ری توشبوونی ئه‌و كه‌سه به شێرپه‌نجه‌ی په‌نكریاس ده‌ست نیشان بكرێت.