KNNC

موراد قه‌ره‌یلان، ده‌ڵێت ئه‌گه‌ر شۆڕشی چه‌كداری نه‌بوایه‌، ئه‌و ده‌ستكه‌وتانه‌ی ئه‌مڕۆ نه‌ده‌هاتنه‌دی.

موراد قه‌ره‌یلانی سه‌رۆكی كۆماجڤاكێ كوردستان، له‌میانه‌ی چاوپێكه‌وتنێكیدا له‌گه‌ڵ ڕۆژنامه‌ی نیویۆرك تایمزی ئه‌مه‌ریكی، دوپاتیده‌كاته‌وه‌، ئه‌گه‌ر چه‌ك‌و شۆڕشی چه‌كداری نه‌بوایه‌، هه‌رگیز هیچكام له‌و ده‌ستكه‌وتانه‌ی ئه‌مڕۆ له‌باكوری‌ كوردستان و توركیا نه‌ده‌هاتنه‌دی‌و دانیش به‌ناسنامه‌ی گه‌لی كورددا نه‌ده‌نرا.

وێڕای نیشاندانی ئومێدێكی زۆر به‌پڕۆسه‌ی‌ ئاشتی، به‌ڵام قه‌ره‌یلان ئاماژه‌ی به‌وه‌شداوه‌، رێگه‌ی ئاشتی زۆر درێژترو دژوارتره‌ له‌وه‌ی له‌سه‌ره‌تای پڕۆسه‌كه‌وه‌ پێشبینی ده‌كرا .

به‌پێی ڕاپۆرتی ڕۆژنامه‌كه‌، پارتی كرێكارانی كوردستان،له‌ئێستادا هه‌وڵه‌كانی خستۆته‌گه‌ڕ به‌ئاقاری قایلكردنی كادیره‌كانی به‌سوودو قازانجی پڕۆسه‌ی‌ ئاشتی، به‌ڵام ئه‌و كادیرانه‌ پڕۆسه‌كه‌ له‌بنه‌ڕه‌ته‌وه‌ ره‌تده‌كه‌نه‌وه‌و بڕوایان پێی نییه‌.