KNNC
به‌رێوه‌به‌ری گشتی ڕاگه‌یاندن له وه‌زاره‌تی رۆشنبیری ولاوانی هه‌رێم رایده‌گه‌یه‌نێت ره‌نگه ته‌شویشی سه‌ر كه‌ناڵه‌كانی كه‌ی ئێن ئێن و ئێن ئار تی ده‌ستی ده‌ره‌كی بێت.
هه‌ڵگورد عه‌بدلوه‌هاب به‌رێوه‌به‌ری گشتی راگه‌یاندن و چاپ و بڵاوكردنه‌وه له‌وه‌زاره‌تی رۆشنبیری و لاوانی هه‌رێم له‌لێدوانێكیدا به كه‌ی ئێن ئێن-ی ڕاگه‌یاند: وڵاتانی دیكه چاویان به بارودۆخی هه‌رێم هه‌ڵنایه‌ت و به‌رژه‌وه‌ندییان له‌وه‌دایه كه ئاژاوه بخه‌نه هه‌رێمی كوردستانه، هه‌ربۆیه ره‌نگه ته‌شویشی سه‌ر كه‌ناڵه‌كانی كه‌ی ئێن ئێن و ئێن ئاڕ تی، ده‌ستی ده‌ره‌كی بێت.
وتیشی: "پێش ئه‌وه‌ی هه‌ر كه‌س و لایه‌نێك تۆمه‌تبار بكه‌ین، ده‌بێت سه‌رچاوه‌ی ته‌شویشه‌كه بدۆزینه‌وه".
به‌رێوه‌به‌ری گشتی راگه‌یاندن و چاپ و بڵاوكردنه‌وه له‌وه‌زاره‌تی رۆشنبیری، له باره‌ی دۆزینه‌وه‌ی سه‌رچاوه‌ی ته‌شویش وتی: چه‌ند رۆژێكه بودجه گه‌یشتۆته وه‌زاره‌ته‌كه‌مان و له‌و بودجه‌یه پاره‌یه‌كی تایبه‌تیمان بۆ كڕینی ئامێرێكی مۆنیته‌ری ته‌رخانكردوه كه بڕیاره له‌وڵاتی پۆڵونیا بیكڕین‌و به‌و ئامێره سه‌رچاوه‌ی ته‌شویشه‌كان بدۆزنه‌وه.