KNNC
ئه‌مڕۆ شه‌ممه 20ی نیسانی 2013، چوار ساڵ به‌سه‌ر دامه‌زراندنی ڕادیۆی گۆڕان تێده‌په‌رێت، رۆژنامه‌نوسان و كارمه‌ندانی ڕادیۆكه ده‌ڵێن، ڕادیۆی گۆڕان هه‌وڵیداوه زۆربه‌ی هه‌واڵ و پێشهاته گرنگه‌كان روماڵ بكات و پیشه‌ییانه مه‌مه‌ڵه‌یان له‌گه‌ڵدا بكات، به‌شێك له چاودێرانیش پێیان وایه ئه‌و ڕادیۆیه رۆڵی هه‌بووه له هۆشیاركردنه‌وه‌ی هاولاتیان و تێگه‌یاندنیان له به‌رنامه و ڕێنمایه‌كانی بزووتنه‌وه‌ی گۆڕان.
20 ی نیسانی ساڵی 2009 ڕادیۆی ده‌نگی گۆڕان دامه‌زراو شانبه‌شانی ڕاگه‌یاندنه‌كانی بزوتنه‌وه‌ی گۆڕان توانی ببێته میبنه‌برێك بۆ گه‌یاندنی ڕاستیه‌كان و به‌شی زۆری په‌یام و كاره‌كانی بزووتنه‌وه‌ی گۆڕان به‌هاوڵاتیان.
ئه‌گه‌رچی ژماره‌یه‌كی به‌رچاو له ده‌زگای ڕاگه‌یاندنی بینراو و بیسراوو نوسراو له هه‌رێمی كوردستان هه‌یه, به‌ڵام به‌بڕوای پسپۆڕانی بواری ڕاگه‌یاندن به‌هۆی وابه‌سته‌بونیان به‌حزب و به‌رپرسانه‌وه نه‌یانتوانیووه ببنه سه‌كۆی گه‌یاندنی كێشه‌و گرفته‌كانی هاوڵاتیان, ڕادیۆی گۆڕان ئه‌گه‌رچی سه‌ر به بزووتنه‌وه‌ی گۆڕانه به‌ڵام جیاواز له میدیا سێبه‌رو حزبیه‌كان مینبه‌رێك بووه بۆ گه‌یاندنی ده‌نگی ناڕه‌زایی هاوڵاتیان و گه‌یاندنی خواست و داواكانیان به‌لایه‌نی په‌یوه‌ندی دار .