KNNC
خۆپیشانده‌رانی رومادی ، هێرشێكی توند ده‌كه‌نه سه‌ر نوری مالكی سه‌ره‌كوه‌زیرانی عێراق‌و به فیرعه‌ونی وه‌سفی ده‌كه‌ن‌و جه‌ختیش ده‌كه‌نه‌وه، به‌رده‌وام ده‌بن له‌خۆپیشاندان‌و ناڕه‌زاییه‌كانیان.
خۆپیشاندان خۆرئاوای عێراق، دژی سیاسه‌ته‌كانی نوری مالكی به‌رده‌وامه‌‌و ئه‌مڕۆش،خۆپیشاندانی جه‌ماوه‌ریی له‌ژێرناوی( خۆمان به‌ده‌سته‌وه ناده‌ین.. یا ده‌مرین، یا سه‌رده‌كه‌وین) به‌رێوه‌چوو.
خۆپیشانده‌ران، جه‌ختیان كرده‌وه كه به‌رده‌وام ده‌بن له‌خۆپیشاندان‌و ناڕه‌زاییه‌كانیان تا جێبه‌جێكردنی سه‌رجه‌م داواكارییه‌كانیان.
خۆپیشانده‌ران له‌گۆڕه‌پانی شكۆی سه‌ربه‌رزی نوێژی هه‌ینیان كرد‌و وتاربێژی گۆڕپانه‌كه‌ش به‌توندی هێرشی كرده سه‌ر نوری نالكی‌و به‌فیرعه‌ونی سه‌ده‌و به‌كرێگیراوی ئێران وه‌سفیكرد، جه‌ختیشی كرده‌وه، تاخوێن له‌جه‌سته‌یاندا مابێت، له‌خۆپیشاندان‌و ناڕه‌زایی دژی مالكی به‌رده‌وام ده‌بن.