KNNC
دوای ئه‌نجامدانی پشكنین‌و دڵنیابوون له‌وه‌ی كه‌ره‌سه‌ی سه‌بازی تێدانیه له‌فرۆكه‌خانه‌ی نێوده‌وڵه‌تی به‌غدا، فرۆكه‌یه‌كی سوری، كه‌له‌مۆسكۆوه به‌ڕێكه‌وتووه،به‌ره‌و دیمه‌شق به‌ڕێده‌كه‌وێت.
سه‌رچاوه‌یه‌كی ئاگادار ڕایگه‌یاند: له‌چوارچێوه‌ی ڕێگریكردن له‌گواستنه‌وه‌ی چه‌ك‌و كه‌ره‌سه‌ی سه‌بازی له‌ئاسمانی عێراقه‌وه بۆ ڕژێمی سوریا ،حكومه‌تی عێراق، دوای ناچاركردنی به‌نیشتنه‌وه‌ی له‌فرۆكه‌خانه‌ی نێوده‌وڵه‌تی به‌غدا، پشكنینی بۆ فرۆكه‌یه‌كی سوری كردووه، كه‌له مۆسكۆوه به‌ئاسمانی عێراقدا به‌رێكه‌وتووه بۆ سوریا.
ئه‌و سه‌رچاوه‌یه كه‌نه‌یویستووه ناوه‌كه‌ی ئاشكرابكرێت له لێدوانێكدا بۆ ئاژانسی ئیخبارییه ئاماژه‌ی به‌وه‌كرد، به‌رپرسانی فرۆكه‌خانه‌كه هیچ كه‌ل‌وكه‌په‌ل‌و كه‌ره‌سه‌یه‌كی سه‌ربازیان له‌نێو ئه‌و فرۆكه سورییه‌دا، نه‌دۆزیه‌ته‌وه‌‌و دوای پشكنینه‌كه‌ش، فرۆكه سوریه‌كه به‌ره‌ودیمه‌شقی پایته‌ختی سوریا به‌ڕێكه‌وتووه.
پێشتریش جۆن كیری، وه‌زیری ده‌ره‌وه‌ی ئه‌مه‌ریكا هۆشداری دایه ده‌سه‌ڵاتدارانی عێراق، له‌ڕێخۆشكردن‌و ئاسانكاری بۆ گواستنه‌وه‌ی كه‌ره‌سته‌ی سه‌بازی له‌ئاسمانی عێراقه‌وه بۆ ڕژێمی سوریا له‌لایه‌ن حكومه‌تی تارانه‌وه.