KNNC
كوتله‌ی ئه‌حرار‌و لیستی عێراقیه، جه‌خت ده‌كه‌نه‌وه، ئاماده‌نه‌بوونی نوری مالكی له‌په‌رله‌مان، وه‌ك به‌شداربوونه له‌كرده‌وه توندوتیژییه‌كان‌و دۆخی ئه‌منی وڵاتیش، خراپترده‌كات.
جه‌واد حه‌سناوی په‌رله‌مانتاری كوتله‌ی ئه‌حرار، ڕایگه‌یاند، نوری مالكی،داواكه‌ی په‌رله‌مانتاران بۆ ئاماده‌بوونی له‌ئه‌نجومه‌نی نوێنه‌ران، پشتگوێ ده‌خات.
وتیشی: "ده‌وڵه‌تی یاسا، به‌رده‌وام ته‌گه‌ره ده‌خاته به‌رده‌م ئه‌و داوایه‌ی په‌رله‌مان له‌ڕێی فشاردروست كردن له‌سه‌ر هه‌ندێك له‌فراكسیۆنه‌كانه‌وه".
لای خۆیشیه‌وه حامد موتڵه‌گ له‌لێدوانێكیدا بۆ ڕۆژنامه‌ی مه‌دا، جه‌ختی كرده‌وه، ئاماده‌نه‌بوونی مالكی له‌په‌رله‌مان دۆخی ئه‌منی ئاڵۆزترده‌كات‌و ڕێخۆشكه‌ریش ده‌بێت له‌به‌رده‌م زیادبوونی كرده‌وه توندوتیژییه‌كاندا.
وتیشی: "ئاماده‌نه‌بوونی مالكی، به‌شداریكردنه له‌توندوتیژییه‌كان.
دوێنێش زنجیره‌یه‌ك ته‌قینه‌وه، چه‌ند شارێكی عێراقی گرته‌وه‌‌و به‌هۆیشیه‌وه نزیكه‌ی 250 هاوڵاتی كوژران‌و برینداربوون".