KNNC
رێكخراوێكی تایبه‌ت به‌چاودێریكردنی هه‌ڵبژاردنه‌كانی عێراق ده‌ڵێت، لیسته‌كه‌ی مالكی له‌هه‌ڵبژاردنی ئه‌نجومه‌نی پارێزگاری زیقاردا پێشه‌نگه و چوار لیستی دیكه‌ش ڕكابه‌ری له‌سه‌ر پله‌ی دووه‌م ده‌كه‌ن.
ره‌زاق عوبێد زاهیر، به‌رێوه‌به‌ری نوسینگه‌ی ڕێكخراوی ته‌موز بۆ چاودێریكردنی هه‌ڵبژاردنه‌كانی باشوری عێراق ڕایگه‌یاند: ده‌وڵه‌تی یاسا به‌جیاوازییه‌كی گه‌وره پێش لیسته‌كانی ڕكابه‌ری كه‌وتوه له‌هه‌ڵبژاردنی ئه‌نجومه‌نی پارێزگای زیقاردا، ڕونیشكرده‌وه: ئه‌و ئه‌نجامه‌ی له‌رێی 200 چاودێرییه‌وه به‌ده‌ستگه‌یشتوه، كه به‌سه‌ر وێستگه‌كانی ده‌نگدانی پارێزگاكه‌دا دابه‌شكرابون.
ئه‌و به‌رپرسه‌ی ڕێخكراوی ته‌موز به مه‌دا پرێسی ڕاگه‌یاند: چوار كوتله‌ی تر كه پێكدێن له كوتله‌كانی ئه‌حرار و مواتن و ته‌زامون و وه‌فای نیشتمانی، بۆ به‌ده‌ستهێنانی پله‌ی دووه‌م كێبڕكێی ده‌كه‌ن.
404 كاندید كه له‌نێوانیادا 105 ژن هه‌یه، به 10 لیستی جیا كێبركێ ده‌كه‌ن بۆ به‌ده‌ستهێنانی 31 كورسی ئه‌نجومه‌نی پارێزگای زیقار.