KNNC

وڵاتانی‌ كه‌نداو مه‌ترسی‌ خۆیان له‌كاریگه‌ریه‌كانی‌ بومه‌له‌رزه‌كه‌ی‌ ئێران له‌سه‌ر وێستگه‌ی‌ ئه‌تۆمی‌ بوشه‌هر ده‌رده‌بڕن و داوا له‌تاران ده‌كه‌ن رێوشوێنی‌ سه‌لامه‌تی‌ له‌و ناوچه‌یه‌ بگرێته‌به‌ر.

عه‌بدولله‌تیف بن راشد زه‌یانی‌ ئه‌مینداری‌ گشتی‌ ئه‌نجومه‌نی‌ هاریكاری‌ وڵاتانی‌ كه‌نداو له‌به‌یاننامه‌یه‌كدا رایگه‌یاند: وڵاتانی‌ كه‌نداو مه‌ترسیان سه‌باره‌ت به‌ بومه‌له‌رزه‌كه‌ی‌ هه‌فته‌ی‌ رابردوی‌ باشوری‌ ئێران هه‌یه‌و ده‌ترسن ئه‌و بومه‌له‌رزه‌یه‌ زیانی‌ به‌ وێستگه‌ی‌ ئه‌تۆمی‌ بوشه‌هر گه‌یاندبێت و به‌و هۆیه‌وه‌ روبه‌رووی‌ مه‌ترسی‌ تیشكدانه‌وه‌ی‌ ئه‌تۆمی‌ وێستگه‌كه‌ ببن.

وڵاتانی‌ كه‌نداو داواش له‌ ئێران ده‌كه‌ن پابه‌ندی‌ رێكه‌وتننامه‌ی‌ جیهانی‌ تایبه‌ت به‌ سه‌لامه‌تی‌ وێستگه‌ ئه‌تۆمیه‌كان بێت و رێوشوێنی‌ پێویست له‌و باره‌یه‌وه‌ بگرێته‌به‌ر.