KNNC

بومه‌له‌رزه‌یه‌كی‌ به‌هێز پارێزگای‌ سیستان و بلوجستانی‌ باشوری‌ خۆرهه‌لاَتی‌ ئێرانی‌ هه‌ژاندو  به‌پێی‌ ئاماره‌ سه‌ره‌تایه‌كانیش 40 كه‌س  بونه‌ته‌ قوربانی‌ ، سه‌رچاوه‌كانی‌ كه‌شنایش ده‌ڵێن: بومه‌له‌رزه‌كه‌ كاریگه‌ری‌ له‌سه‌ر پاكستان و هیندستان و ئیماراتی‌ عه‌ره‌بی‌ و به‌حره‌ین و كوه‌یت هه‌بووه‌ .

ئاژانسی‌ هه‌واڵی‌ فارس، بڵاویكرده‌وه‌، بومه‌له‌رزه‌یه‌كی‌ به‌هێز ناوچه‌ی‌ زاهیدان و پاێزگای‌ سیستان و بلوجستانی‌ هه‌ژاندووه‌، به‌هۆی‌ به‌هێزی‌ ئه‌و بومه‌له‌رزه‌یه‌شه‌وه‌ دانیشتوانی‌ ئه‌و ناوچه‌یه‌ ماڵه‌كانیان جێهێشتووه‌ و به‌ره‌و ناوچه‌ ته‌ختانیه‌كان رۆیشتوون.

دامه‌زراوه‌ی‌ جیۆفیزكی‌ زانكۆی‌ تاران گوڕی‌ بومه‌له‌رزه‌كه‌ی‌ به‌ 7.5 پله‌ی‌ به‌پێوه‌ر ڕێخته‌ر  ده‌ستنیشانكردووه‌.

چه‌ند سه‌رچاوه‌یه‌كی‌ كه‌شناسیش ئاماژه‌یان بۆ ئه‌وه‌كرد بومه‌له‌رزه‌كه‌ی‌ ئێران كاریگه‌ری‌ له‌سه‌ر وڵاتانی‌ كه‌ندا و هیندستان و پاكستان هه‌بووه‌.