KNNC
دادگای تێهه‌ڵچوونه‌وه‌ی میسر بڕیاری بێتاوانی حسنی موباره‌ك له‌دۆسیه‌ی كۆكردنه‌وه‌ی نایاسایی سه‌روه‌ت و ساماندا ده‌رده‌كات و له‌كاتی ساغنه‌بوونه‌وه‌ی ئه‌و 2 دۆسیه‌یه‌شدا كه له‌سه‌ری ماوه، به‌یه‌كجاری ئازاد ده‌كرێت.
سه‌رچاوه‌كانی هه‌واڵ له‌میسره‌وه بڵاویانكرده‌وه، ئه‌مڕۆ دادگای تێهه‌ڵچونه‌وه له‌باكوری شاری قاهیره داوایه‌كی پارێزه‌ره‌كه‌ی محه‌مه‌د حسنی موباره‌كی سه‌رۆكی پێشوی ئه‌و ولاَته‌ی په‌سه‌ندكردووه سه‌باره‌ت به بێتاوانی ناوبراو له‌دۆسیه‌ی كۆكردنه‌وه‌ی سه‌روه‌ت و سامان به‌شێوه‌یه‌كی نایاسایی و فه‌رمانی ئازادكردنی له‌و دۆسیه‌یه‌دا بۆ ده‌ركردووه.
ئه‌وه‌ش له‌دوای ئه‌وه‌دێت كه پێشتر موباره‌ك له‌دۆسیه‌ی كوشتنی خۆپیشانده‌رانیشدا له‌لایه‌ن دادگای تاوانه‌كانه‌وه فه‌رمانی بێتاوانی بۆ ده‌ركراو له‌ئێستاشدا ته‌نها 2 دۆسیه له‌سه‌ر ناوبراو ماوه‌ته‌وه، كه ئه‌وانیش بریتین له دۆسیه‌كانی ده‌ستگرتن به‌سه‌ر كه‌ل و په‌له‌كانی ناو كۆشكی سه‌رۆكایه‌تی و پێشكه‌شكردنی دیاری به دام و ده‌زگاكانی راگه‌یاندنی نیشتیمانی.