دیگۆ ریباسی یاریزانی هێڵی ناوه‌راستی یانه‌ی فۆلفسبۆرگی ئه‌ڵمانی‌و یانه‌ی ئه‌تله‌تیكۆ مه‌دریدی ئیسپانی له‌گفتوگۆدان‌و ئه‌و یاریزانه‌ له‌په‌یوه‌ندیكردن به‌ریزه‌كانی ئه‌و یانه‌یه‌وه‌ نزیكبۆته‌وه‌.
له‌لێدوانێكی رۆژنامه‌نوسیدا دیگۆ ریباس دانی به‌وه‌دانا ماوه‌یه‌كه‌ گفتوگۆكانی له‌گه‌ڵ ئه‌تله‌تیكۆ مه‌درید ده‌ستپێكردوه‌، ئه‌ویش به‌مه‌به‌ستی گه‌ڕانه‌وه‌ بۆ ریزه‌كانی ئه‌و یانه‌یه‌.
له‌و باره‌یه‌وه‌ رۆژنامه‌كانی ئه‌ڵمانیاو ئیسپانیا كۆكن له‌سه‌رئه‌وه‌ی دیگۆ ریباس له‌وه‌رزی داهاتوودا درێسی سورو سپی ئه‌تله‌تیكۆ مه‌درید ده‌پۆشێته‌وه‌و گفتۆكانی نێوانیشیان قۆناغێكی باشی تێپه‌ڕاندوه‌و له‌گه‌یشتن به‌رێككه‌وتنی كۆتایی نزیكبۆته‌وه‌.
له‌وه‌رزی رابردوودا دیگۆ ریباسی ته‌مه‌ن 28 ساڵ به‌شێوه‌یه‌كی خواستن له‌یانه‌ی فۆلفسبۆرگه‌وه‌ درا به‌ئه‌تله‌تیكۆ مه‌دریدو له‌م وه‌رزه‌شدا له‌ریزه‌كانی ئه‌و یانه‌ ئه‌ڵمانیه‌ یاریكرده‌وه‌.