نانی ئامانجی یه‌كه‌می پاریس سانجێرمانه
به‌بڵاوبونه‌وه‌ی هه‌واڵی رۆیشتنی لویس نانی پرتوگالی له‌یانه‌ی مانچسته‌ریونایتد ، ئه‌و هێرشبه‌ره بووه به‌ئامانجی یه‌كه‌می یانه‌ی پاریس سانجێرمانی فه‌ره‌نسی.
رۆژنامه‌ی لۆ پاریزیان بڵاویكردۆته‌وه پاریس سانجێرمان لویس نانی له‌سه‌روی لیستی ئه‌و یاریزانانه داناوه كه ده‌یه‌وێت له‌هاوینی ئه‌مساڵدا گرێبه‌ستیان له‌گه‌ڵدا ئیمزا بكات.
لۆ پاریزیان بڵاویشكردۆته‌وه پاریس سانجێرمان هاوكات له‌گه‌ڵ گرنگیدا به‌واین رۆنی هێرشبه‌ری شه‌یتانه سوره‌كان بۆندێكیشی بۆ گواستنه‌وه‌ی نانی ئاماده‌كردوه.
نانی به‌هۆی زیادنه‌كردنی موچه‌ی ساڵانه‌كه‌یه‌وه نوێكردنه‌وه‌ی گرێبه‌سته‌كه‌ی له‌گه‌ڵ مانچسته‌ریونایتد ره‌تكرده‌وه‌و به‌راده‌یه‌كی زۆریش گیرسانه‌وه‌ی له‌یانه‌یه‌كی تری ئه‌وروپا له‌دوای كۆتاییهاتنی ئه‌م وه‌رزه یه‌كلاییبۆته‌وه.
12/04/2013
|