راهێنه‌ری كاراتی سه‌یدسادق: پێشمه‌رگه‌ی سلێمانی له‌توركیا كاری ساخته‌كاری ئه‌نجامدا
تیپی كاراتی یانه‌ی سه‌یدسادق نه‌یتوانی پارێزگاری له‌و پاڵه‌وانێتیه نێوده‌وڵه‌تیه بكات كه ساڵی رابردوو له وڵاتی توركیا پله‌ی یه‌كه‌می به‌ده‌ستهێنا، راهێنه‌ره‌كه‌شی ده‌ڵێت پێشمه‌رگه‌ی سلێمانی كاری ساخته‌ی كردووه.
دوای گه‌رانه‌وه‌یان له به‌شداریكردن له پاڵه‌وانێتیه‌كی نێوده‌وڵه‌تی كاراتی له‌وڵاتی توركیا و به‌ده‌ستهێنانی ته‌نها یه‌ك میدالیای برۆنز، جه‌بار مسته‌فا راهێنه‌ری تیپی كاراتی یانه‌ی سه‌یدسادق به‌كه‌ی ئێن ئێنی راگه‌یاند، به‌هۆی نه‌بونی بودجه‌وه نه‌یانتوانی پارێزگاری له‌و نازناوه بكه‌ن كه ساڵی رابردوو به‌ده‌ستیانهێنا.
ئه‌و راهێنه‌ره ئاماژه به‌وه‌شده‌كات، تیپی كاراتی یانه‌ی پێشمه‌رگه‌ی سلێمانی یه‌كێك بوه له تیپه به‌شداره‌كان و له‌كاتی پاڵه‌وانێتیه‌كه‌دا چه‌ندین كاری ساخته‌ی له‌ته‌مه‌نی یاریزانان و به‌شداریپێكردنی یاریزاناندا ئه‌نجامداوه.
12/04/2013
|