بوونی ئه‌نچیلۆتی به‌راهێنه‌ری ریاڵ مه‌درید یه‌كلاییبۆته‌وه
هه‌رچه‌نده چه‌ند سه‌رچاوه‌یه‌ك ئاشكرایانكردوه مۆرینیۆ له‌پۆستی راهێنه‌رایه‌تی ریاڵ مه‌درید ده‌مێنێته‌وه، به‌ڵام بڵاوكراوه‌ته‌وه بوونی كارلۆ ئه‌نچیلۆتی به‌راهێنه‌ری ئه‌و یانه‌یه یه‌كلاییكراوه‌ته‌وه.
سایتی تریبال فوتبۆل بڵاویكردۆته‌وه كارلۆ ئه‌نچیلۆتی‌و فلۆره‌نتینۆ پێرێز پێشتر له‌سه‌ر وه‌رگرتنی ئه‌ركی راهێنه‌رایه‌تی ئه‌و یانه‌یه له‌لایه‌ن ئه‌و راهێنه‌ره ئیتاڵیه‌وه رێككه‌وتوون‌و له‌وه‌رزی داهاتوه‌وه ئه‌نچیلۆتی له‌سه‌ر كورسی یه‌ده‌گه‌وه ریاڵ مه‌درید به‌ڕێوه‌ده‌بات.
تریبال فوتبۆل بڵاویشكردۆته‌وه هه‌ر له‌ئێستاوه ئه‌نچیلۆتی چه‌ند یاریزانێكی دیاریكردوه‌و دوای له‌پێرێز كردوه‌و هه‌وڵه‌كانی بۆ گواستنه‌وه‌یان ده‌ستپێبكات.
له‌گه‌ڵ بڵاوبونه‌وه‌ی ئه‌و هه‌واڵه‌شدا هه‌واڵێكی پێچه‌وانه‌ش روپه‌ڕی رۆژنامه‌كانی ئیسپانیای گرتووه‌و ئاماژه به‌مانه‌وه‌ی مۆرینیۆ له‌سانتیاگۆ بێرنابیۆ ده‌كه‌ن.
15/04/2013
|