خۆزیه‌ مۆرینیۆ راهێنه‌ری یانه‌ی ریاڵ مه‌درید ده‌یه‌وێت له‌ماوه‌ی گواستنه‌وه‌ی هاوینه‌ی یاریزانان، جارێكی تر ئیزكویل گارای به‌رگریكاری ئه‌رجه‌نتینی یانه‌ی به‌نفیكا بۆ ریزه‌كانی یانه‌كه‌ی بگه‌ڕێنێته‌وه‌.
رۆژنامه‌ی ئابۆلای پورتوگالی بڵاویكردۆته‌وه‌ مۆرینیۆ ناچار بووه‌ به‌هۆی ئه‌گه‌ری رۆیشتنی كارڤالیۆو رائول ئه‌لبیۆل له‌سانتیاگۆ بێرنابیۆ، گارای بۆ ریاڵ مه‌درید بگه‌ڕێنێته‌وه‌و له‌پاڵ هه‌ریه‌كه‌ له‌رافائیل ڤاران‌و سێرجیۆ رامۆس‌و كلیپه‌ر پیپی له‌هێڵی به‌رگریدا یاری پێبكات.
ئابۆلا رونیكردۆته‌وه‌ گواستنه‌وه‌ی گارای بۆ ریاڵ مه‌درید ئاسان ده‌بێت، چونكه‌ ئه‌و یانه‌یه‌ خاوه‌نی نیوه‌ی نرخی ئه‌و به‌رگریكاره‌یه‌و هاوكاتیش له‌كڕینه‌وه‌ی یانه‌ی به‌نفیكا بڕه‌ پاره‌یه‌ك قازانج ده‌كات.