یاریی لوتكه‌ی جه‌وله‌ی داهاتووی خولی بژارده‌ی نێوان هه‌ولێرو شورته‌، كه‌مپی راهێنانی هه‌ڵبژارده‌ی لاوان بۆ وڵاتی توركیا دواده‌خات.
سه‌رچاوه‌یه‌ك له‌یه‌كێتیی تۆپی پێی عێراق ئاشكرایكردوه‌ بڕیاربوو ئه‌مڕۆ سێشه‌ممه‌ هه‌ڵبژارده‌ی لاوانی عێراق بۆ كردنه‌وه‌ی كه‌مپێكی راهێنانی خۆئاماده‌كردن بۆ یارییه‌كانی مۆندیالی لاوانی مانگی 6ی داهاتوو رووبكه‌نه‌ توركیا، به‌ڵام به‌هۆی یاریی لوتكه‌ی جه‌وله‌ی داهاتووی خولی بژارده‌ی نێوان یانه‌كانی هه‌ولێرو شورته‌ ئه‌و كه‌مپه‌ بۆ كاتێكی تر دواخراوه‌.
ئه‌و سه‌رچاوه‌یه‌ ئاشكرایشكردووه‌ فلادیمێر پیترۆڤیچی راهێنه‌ری هه‌ڵبژارده‌ی یه‌كه‌م ژماره‌یه‌ك یاریزانی هه‌ڵبژارده‌ی لاوانی بۆ راهێنانه‌كانی هه‌ڵبژارده‌كه‌ بانگهێشتكردوه‌و حه‌كیم شاكری راهێنه‌ری هه‌ڵبژارده‌ی لاوانیش به‌دواخستنی كه‌مپه‌كه‌ رازیبوه‌، چونكه‌ به‌قسه‌ی ئه‌و راهێنه‌ره‌ كردنه‌وه‌ی كه‌مپی راهێنان به‌بێ ئاماده‌بوونی یاریزانه‌ سه‌ره‌كیه‌كان هیچ سودێكی نابێت.