هاوار: بۆ هانده‌رانی ده‌سه‌لمێنم چی بۆ هه‌ولێر ده‌كه‌م
هاوار مه‌لا محه‌مه‌دی یاریزانی پێشوی هه‌ڵبژارده‌ی عێراق ده‌ڵێت ئێستا یاریزانی هه‌ولێرم و له كۆتایی ئه‌م وه‌رزه‌شدا دوا بڕیار له‌سه‌ر مانه‌وه یان رۆیشتن بۆ یانه‌یه‌كی تر ده‌ده‌م.
هاوار مه‌لا محه‌مه‌د دوای چاره‌سه‌ركردنی كێشه‌كانی له‌گه‌ڵ یانه‌ی زه‌وب ئاهن ئه‌سفه‌هانی ئێرانی و به‌ده‌ستگه‌یشتنی نامه‌ی ده‌ستبه‌رداربون لێی له لێدوانێكی تایبه‌تدا به كه‌ی ئێن ئێنی راگه‌یاند، ئێستا یاریزانی یانه‌ی هه‌ولێره‌و له‌ریزی ئه‌و یانه‌یه‌دا درێژه به یاریكردن ده‌دات.
وتیشی له قۆناغی دووه‌می خولی بژارده‌ی عێراقدا هه‌ولێر ئاستێكی به‌رز پێشكه‌شده‌كات و هاوار مه‌لا محه‌مه‌دیش ده‌یسه‌لمێنێت چی بۆ یانه‌كه‌ی ده‌كات.
هاوار ره‌تیشیكرده‌وه ناوه‌رۆكی گرێبه‌سته‌كه‌ی ئاشكرا بكات و وتی تا كۆتایی ئه‌م وه‌رزه له هه‌ولێردا یاریده‌كات له كۆتایدا دوا بڕیاری خۆی ده‌دات.
16/04/2013
|