گاریس به‌یڵی ویڵزی، یانه‌ی تۆتنهام ئاگادارده‌كاته‌وه‌ به‌وه‌ی ئه‌گه‌ر بۆ وه‌رزی داهاتوی خولی یانه‌ پاڵه‌وانه‌كانی ئه‌وروپا سه‌رنه‌كه‌ون، ئه‌وا یاریگای وایت هارت لین به‌ره‌و یانه‌یه‌كی تر به‌جێده‌هێڵێت.
به‌گوێره‌ی هه‌واڵێكی رۆژنامه‌كانی به‌ریتانیا، گاریس به‌یڵ په‌یامێكی هه‌ڕه‌شه‌ ئامێزی ئاراسته‌ی یانه‌كه‌ی كردوه‌و ئه‌وه‌ی ئاشكراكردووه‌ كه‌ ئه‌گه‌ر ئه‌و یانه‌یه‌ بۆ وه‌رزی داهاتووی چامپیۆنس لیگ سه‌رنه‌كه‌وێت، ئه‌وا له‌هاوینی ئه‌مساڵدا له‌یانه‌یه‌كی گه‌وره‌ی ئه‌وروپادا ده‌گیرسێته‌وه‌.
ئه‌و لێدوانه‌ی به‌یڵ له‌كاتێكدایه‌ كه‌ تۆتنهام بۆندێكی به‌بڕی 40 ملیۆن یۆرۆ بۆ 5 وه‌رز پێشكه‌شی ئه‌و یاریزانه‌ كردوه‌و هاوكاتیش ریاڵ مه‌درید كه‌ به‌یڵ داواكراوی یه‌كه‌میه‌تی بۆندێكی 45 ملیۆن یۆرۆیی بۆ ئه‌و یاریزانه‌ ئاماده‌كردوه‌و زۆربه‌ی سه‌رچاوه‌كانیش له‌سه‌رئه‌وه‌ كۆكن ،ئه‌و یانه‌یه‌ ده‌بێته‌ وێستگه‌ی داهاتووی به‌یڵ كه‌ سه‌رۆكی یانه‌كه‌ی 150 ملیۆن پاوه‌ندی له‌سه‌رداناوه‌.