چاپی ئه‌لۆنسۆی یاریزانی هێڵی ناوه‌راستی یانه‌ی ریاڵ مه‌درید له‌نێوان مانه‌وه‌و رۆیشتن له‌یاریگای سانتیاگۆ بێرنابیۆدایه‌و له‌كاتێكدا وابڵاوده‌كرێته‌وه‌ كه‌نوێكردنه‌وه‌ی گرێبه‌سته‌كه‌ی‌ دواخستووه‌، باوكی باس له‌وه‌ده‌كات له‌وه‌رزی داهاتووشدا له‌و یانه‌یه‌دا ده‌مێنێته‌وه‌.
رۆژنامه‌ی كادینای سیری به‌ناوبانگی ئیسپانی بڵاویكردۆته‌وه‌ چاپی ئه‌لۆنسۆ بڕیاریداوه‌ تا مانگی 11ی داهاتوو چاوه‌ڕێی بكات‌و له‌و كاته‌شدا به‌یه‌كجاری درێژكردنه‌وه‌ی گرێبه‌سته‌كه‌ی له‌گه‌ڵ ریاڵ مه‌درید یان رۆیشتن له‌سانتیاگۆ بێرنابیۆ یه‌كلاییبكاته‌وه‌.
كادینا سیر بڵاویكردۆته‌وه‌ ئه‌لۆنسۆ به‌كه‌سه‌ نزیكه‌كانی راگه‌یاندوه‌ ئاستی ریاڵ مه‌درید له‌ئاینده‌ی خۆی گرنگتره‌و ئه‌گه‌ر دڵنیابوه‌وه‌ كه‌ ئه‌و یانه‌یه‌ پێویستی به‌تواناكانیه‌تی، ئه‌وا له‌گه‌ڵیاندا ده‌مێنێته‌وه‌، به‌ڵام ئه‌گه‌ر ئاستی وه‌ك پێویست نه‌بوو، ئه‌وا ماڵئاوایی له‌مێرنگی ده‌كات.
هاوكات باوكی ئه‌و یاریزانه‌ كه‌ به‌رێوه‌به‌ری كاره‌كانیشیه‌تی ئاشكرایكردوه‌ ئه‌ڵۆنسۆ له‌وه‌رزی داهاتوودا له‌و یانه‌یه‌ ده‌مێنێته‌وه‌.