زۆربه‌ی ده‌زگا راگه‌یاندنه‌كانی ئیسپانیا بڵاویانكردۆته‌وه‌ یانه‌ی به‌رشه‌لۆنه‌ بۆ وه‌رزی داهاتوو تیتۆ ڤیلانۆڤا له‌پۆستی راهێنه‌رایه‌تی تیپی تۆپی پێیه‌كه‌ی ده‌هێڵێته‌وه‌، هه‌رچه‌نده‌ پێشی راگه‌یاندوون كه‌ به‌هۆی نه‌خۆشیه‌كه‌یه‌وه‌ ناتوانێت له‌كاری راهێنان به‌رده‌وام بێت.
رۆژنامه‌كانی ئیسپانیا له‌سه‌روی هه‌موشیانه‌وه‌ ماركا ئاشكرایكردوه‌ به‌رشه‌لۆنه‌ خۆی یه‌كلایكردۆته‌وه‌و ده‌یه‌وێت بۆ وه‌رزی داهاتوو ڤیلانۆڤا له‌سه‌ر كورسی یه‌ده‌گه‌وه‌ میسی‌و هاوڕێكانی به‌ڕێوه‌ببات.
به‌پێی هه‌واڵه‌كه‌ی ماركا ،بلاوگرانا چاوه‌ڕێی وه‌ڵامی ڤیلانۆڤایه‌‌و له‌كاتی به‌ڵێی ئه‌و راهێنه‌ره‌ بۆ بۆنده‌كه‌یان به‌فه‌رمی مانه‌وه‌ی ئه‌و راهێنه‌ره‌ راده‌گه‌ینن.
هاوكات تۆڕی هه‌واڵی فوتبۆڵ ئیسپانیا هه‌واڵه‌كه‌ی ماركای دوپاتكردۆته‌وه‌و ئاشكرایكردوه‌ پێشتر ڤیلانۆڤا به‌یانه‌كه‌ی راگه‌یاندووه‌، به‌هۆی نه‌خۆشیه‌كه‌یه‌وه‌ ناتوانێت به‌رده‌وام بێت‌و داواشی كردوه‌ بۆ ماوه‌یه‌ك چاوه‌ڕێی بكه‌ن تا وه‌ڵامی كۆتاییان بداته‌وه‌.