یۆرگن كلۆبی راهێنه‌ری یانه‌ی بوروسیا دۆرتمۆند مانه‌وه‌ له‌پۆسته‌كه‌یدا دوپاتده‌كاته‌وه‌، هاوكات راشیده‌گه‌یه‌نێت به‌ستنه‌وه‌ی به‌راهێنه‌رایه‌تی ریاڵ مه‌درید له‌لایه‌ن رۆژنامه‌كانه‌وه‌ بۆ ئه‌و جێی شانازییه‌.
له‌كاتی به‌جێهیشتنی راهێنانه‌كانی بوروسیا دۆرتمۆند یۆرگن كلۆب رووبه‌روی رۆژنامه‌نوسان بوه‌و له‌سه‌ر ئاینده‌ی له‌یانه‌كه‌یدا پرسیاری لێكرا، ئه‌ویش له‌وه‌ڵامدا وتی "له‌وه‌رزی داهاتووشدا به‌دڵنیاییه‌وه‌ راهێنه‌ری بوروسیا دۆرتمۆند ده‌بم، مه‌گه‌ر شتێكی خراپ بكه‌م‌و خۆیان دورم بخه‌نه‌وه‌".
كلۆب راشیگه‌یاند شانازی به‌و هه‌واڵانه‌وه‌ ده‌كات كه‌باس له‌شوێنگرتنه‌وه‌ی خۆزیه‌ مۆرینیۆ ده‌كه‌ن له‌ریاڵ مه‌ریدا، به‌ڵام ئه‌و شه‌یدای دۆرتمۆنده‌و له‌و یانه‌یه‌شدا ده‌مێنێته‌وه‌".
ئه‌و راهێنه‌ره‌ شكۆی بۆ بوروسیا دۆرتمۆند گه‌ڕاندۆته‌وه‌و جگه‌ له‌به‌ده‌ستهێنانی 2 نازناوی بۆندس لیگاو جامێكی ئه‌ڵمانیا له‌م وه‌رزه‌شدا بۆ نیوه‌ی كۆتایی خولی یانه‌ پاڵه‌وانه‌كانی ئه‌وروپا سه‌ریخستوون.