به‌پێچه‌وانه‌ی هه‌واڵی رۆژنامه‌كانه‌وه‌ خۆزیه‌ مۆرینیۆی راهێنه‌ری پورتوگالی ده‌ڵێت له‌ریاڵ مه‌دریدا دڵخۆشه‌و په‌یوه‌ندیشم له‌گه‌ڵ سه‌رۆكی یانه‌كه‌دا زۆر باشه‌.
له‌لێدوانێكی رۆژنامه‌وانیدا مۆرینیۆ رایگه‌یاند ئه‌و هه‌واڵانه‌ی باس له‌بێزاری ده‌كه‌ن له‌ریاڵ مه‌درید دوره‌ له‌راستیه‌وه‌، چونكه‌ په‌یوه‌ندی له‌گه‌ڵ فلۆره‌نتینۆ پێرێزی سه‌رۆك‌و سه‌رجه‌م ئه‌ندامانی یانه‌كه‌یدا زۆر باشه‌.
مۆرینیۆ وتویه‌تی ده‌مه‌وێت دوباره‌ی بكه‌مه‌وه‌ كه‌ له‌ریاڵ مه‌درید زۆر دڵخۆشم‌و ئه‌وه‌ی له‌ئێستادا بیریشی لێده‌كه‌مه‌وه‌ به‌ده‌ستهێنانی نازناوی جامی شاو گه‌یشتنه‌ به‌یاریی كۆتایی خولی یانه‌ پاڵه‌وانه‌كانی ئه‌وروپا.
هاوكات مۆرینیۆ به‌یه‌كلایی ئاماژه‌ی به‌مانه‌وه‌ له‌و یانه‌یه‌دا نه‌كردوه‌و له‌درێژه‌ی لێدوانه‌ رۆژنامه‌وانییه‌كه‌دا ئاشكرایكردوه‌ راهێنه‌رو یانه‌كان له‌كۆتایی وه‌رزه‌دا ئه‌نجامه‌كانیان هه‌ڵده‌سه‌نگێنن‌و دواتر له‌سه‌ر ئه‌وه‌ بڕیاری كۆتایی خۆیان ده‌ده‌ن.