یانه‌ی بایرن میونخ بووه‌ هاوبه‌شێكی به‌هێزی ریاڵ مه‌درید بۆ گواستنه‌وه‌ی گاریس به‌ێڵی یاریزانی وێڵزی یانه‌ی تۆتنهام‌و بۆ ئه‌و مه‌به‌سته‌ش بۆندێكی 30 ملیۆن پاوه‌ندی بۆ ئاماده‌كردووه‌.
رۆژنامه‌ی زه‌ سه‌نی به‌ریتانی بڵاویكردۆته‌وه‌ بایرن میونخ له‌سه‌ر خواستی پیپ گواردیۆلای راهێنه‌ری بۆ گواستنه‌وه‌ی گاریس به‌یڵ كه‌وتۆته‌ جوڵه‌و ده‌یه‌وێت له‌هاوینی ئه‌مساڵدا بۆ یاریگای ئه‌لیانز ئه‌رینای بگوازێته‌وه‌.
زه‌ سه‌ن بڵاویشكردۆته‌وه‌ یانه‌كه‌ی هه‌رێمی باڤاریا بۆندێكی به‌بڕی 30 ملیۆن پاوه‌ند بۆ كڕینی گاریس به‌ێل ئاماده‌كردوه‌و به‌نیازه‌ له‌ماوه‌یه‌كی نزیكدا پێشكه‌شی یانه‌كه‌ی شاری له‌نده‌نی بكات.
له‌لایه‌كی تره‌وه‌ ده‌زگا راگه‌یاندنه‌كانی ئیسپانیا بڵاویانكردۆته‌وه‌ ریاڵ مه‌درید ئامانجی ئه‌وه‌یه‌ به‌فرۆشتنی ریكاردۆ كاكاو فابیۆ كوێنتراو و گۆنزالۆ هیگواین 50 ملیۆن پاوه‌ند كۆبكاته‌وه‌و تا بۆ گواستنه‌وه‌ی گاریس به‌یڵ ته‌رخانیبكات.