سه‌رۆكی بانكی ناوه‌ندی: ئابوری ئه‌مریكا له لێواری هه‌ره‌سدایه
سه‌رۆكی بانكی ناوه‌ندی هۆشداریدا سه‌باره‌ت به شكستهێنانی گفتوگۆكانی كۆشكی سپی و كۆنگرێس له‌باره‌ی پرسی قه‌رزه‌كان. جۆن بێرنان سه‌رۆكی بانكی ناوه‌ندی ئه‌مریكا رایگه‌یاند، بنبه‌ستی گفتوگۆی قه‌رزه‌كانی كۆشكی سپی و كۆماریه‌كان له كۆنگرێسی ئه‌مریكا سه‌باره‌ت به دۆزینه‌وه‌ی رێگگاچاره‌ی كۆنترۆڵكردنی به‌رزبوونه‌وه‌ی ئۆتۆماتیكی باج له سه‌ر داهاتی خه‌ڵك و كه‌مبوونه‌وه‌ی خه‌رجیه‌كان زیانێكی گه‌وره‌ی به ئابوری ئه‌مریكا گه‌یاندوه و له لێواری هه‌ره‌سهێنان نزیكی كردوته‌وه. بێرنانكی وتیشی، رێكنه‌كه‌وتنی ئه‌و دوولایه‌نه له سه‌ر قه‌رزه‌كان زیانی گه‌وره له متمانه‌ی بازاڕ و به‌كارهێنه‌ران ده‌گه‌یه‌نێت و ده‌بێته هۆی دابه‌زینی ئاستی وه‌به‌رهێنان له وڵاتدا. سه‌رۆكی بانكی ناوه‌ندی داوای له باراك ئۆباما و كۆنگرێس كرد هه‌نگاوی به‌په‌له هه‌ڵگرن بۆ كۆنترۆڵكردنی ئه‌و دۆخه و كۆتایی به‌و بنبه‌سته بهێنن كه له گفتوگۆكاندا هاتوه‌ته ئاراوه.